Marami tayong mga ideya na naiisip sa araw-araw nating buhay. Marami rin ideya na hindi natin alam
kung tama nga ba o mali.
Noong nakaraang mahigpit
na pinagdedebatihan ang "divorce" sa kongreso hindi dahil sa ito ay
mahirap na bagay ngunit may isang sangay ng ating bansa ang nagpupumilit
na harangin ito. Ang isang sangay na ito ay ang simbahan na kung saan sinasabi
nila na ang pagkakaroon ng divorce ay hindi ayon sa bibliya. Sinasabi nila na
ang ideya ng kasal ay banal kaya sa pagkakaroon ng divorce ang kabanalan ng
kasal ay mawawala dahil ang isang mag-asawa na naghiwalay na gamit ang proseso
ng divorce ay maaaring magpakasal muli dahil ang kanilang naunang kasal ay
magiging walang bisa. Paano magiging kabanal ang isang pagsasama na puro
sakitan? Paano magkakaroon ng tahimik na buhay kung ang lahat ay magulo?
Isa pa ang same sex marriage, gawa ng
divorce parehas din itong hinaharang ng simbahan dahil sa ito ay labag daw sa
kasulatan sa bibliya ngunit maging ang ating santo papa ay walang tutol sa mga
ito. Hindi ba dahil sa nagmamahal lamang sila? Mali ba agad pag nagpakatotoo at
nagmahal ka? Mali baa ng mga gawaing wala ka naman nilalabag o naaapakan?
Sa ating lipunan hindi pa rin gaanong
tanggap ang pangatlong kasarian dahil sa ating mga pikit na pag-iisip na kung
saan ay nagiging hadlang na rin sa ating pag-unlad bilang isang nasyon. Maging
ang hindi pagtanggap din ng divorce ay nagiging hadlang din sa ating progreso
dahil wala rin namang magagawa ang mag-asawang gusti nang maghiwalay kundi
magtiisan nalang.
No comments:
Post a Comment